Adrian is 15 weke oud en het gister (Maandag 25 Jul) sy tweede rondte inentings gehad. Twee inspuitings, een op elke been. Adrian was baie dapper. Met die eerste inspuiting het hy nie eers n geluid gemaak nie, maar met die tweede inspuiting het die traantjies gerol. Ma was gelukkig byderhand om dadelik te troos. Hierdie week het n "GROOT" koue Gauteng weer getref en ons hoop dat Adriantjie nie weer so siek gaan word soos na die vorige inentings nie.
Hy maak nou baie gereeld geluidjies sodra hy vir Ma of Pa sien. Hy is a vrolike mannetjie wat mal is daaroor om met ons te kommunikeer, hetsy geluidjies te maak of te lag. Elke dag is dit wonderlik om te sien hoe die persoonlikheid verder ontwikkel en die interaksie met Ma en Pa meet intens word.
No comments:
Post a Comment