Bak-en-brou

Wat doen 'n mens tydens vakansie met 'n seuntjie van 4 wat verveeld word? Bak-en-brou natuurlik. Adrian het al lankal vir Kona gevra om te bak-en-brou soos wat hy by die skool doen. So het die dag ook aangebreek. Adrian was baie opgewonde om sy handjies in die deeg te druk en die cupcake pannetjies vol te stop met deeg. Die lekkerste was natuurlik toe die versiersuiker gemeng was. Daar was meer geproe as gemeng. Maar uiteindelik was die gebrou klaar en kon die Barney-cupcakes in die oond geplaas word. Die cupcakes was nog vir weke na die tyd as 'n lekkerny geniet!

So vlieg die jare verby

Voor ‘n mens jou oë uitvee is ‘n jaar of twee verby. Waar begin ek as eke k so lanklaas iets gekryf het oor Adrian. Daar het soveel dinge gebeur wat ek graag wil deel. Adrian het 4 jaar oud geword tussen al sy plannete en sonne, nuwe kleuterskool, leer swem, tel tot 30, sing “liedjies’ van Beethoven (Little Einsteins) en peel sy ipad game.

Adrian het sy 4de verjaarsdag gevier met ‘n plannete tema. Ek en Kona moese weke voor die tyd begin om plannete, sonne en ‘rocket ships’ te druk en uit te sny. ‘n Groot swart doek moes gekoop word wat die ruimte voorstel waarop die planete en dinge geplak kon word. Self planneet modelle moes gemaak word en geverf word soos wat dit werklik lyk. Dié is in ‘n mobile gehang. Natuurlik sou die partytjie nie suksesvol kon wees sonder ‘n springkasteel nie. Kona het gesorg vir al die eetgoedjies. Wat ‘n vreugdevolle dag was dit nie. Die geskreeu en lag van kindertjies was oorverdowend!

Adrian het ook die jaar by Menlopret begin. Hy is in die bytjieklas by Juffrou Lize. Hier het hy gou nuwe maaitjies gemaak, veral met Ronnie. Hy sal ons ook gereeld reghelp met feite, want Juffrou Lize sê soo, en juffrouens weet mos altyd alles. Dit het ook ‘n roetiene geword dat wanneer ek hom by die skool oplaai stop ons by Greenline Vilage vir ‘n donught voordat ons huis toe gaan.

Die eerste jaar van swem by Tannie Alex was sekerlik een van die hoogtepunte vir Adrian in 2015. Elke Maandag en Woensdag kan Adrian nie wag om in die swembad te kom nie. In die begin moes hy net spring soos ‘n padda dan borrels blaas en weer spring. Later het hy geleer om op sy rug te dryf soos ‘n wafferse seestêr. Toe begin die swem met ‘n skopbordjie waar hy leer om te skop en borrels te blaas, assemskep en weer borrels blaas. Hy het ook geleer om ‘n bottel op die bodem van die swembad uit te duik (darem by die vlakkant). Na die eerste winterbreek is Adrian terug in die swembad. Ek kon nie glo hoe goed hy kon swem na so ‘n lang breek nie. Selfs by ons huis se swembad swem hy al sonder sy vlerkies! Passop Cameron van den Bergh, hier kom Adrian Enslin…

Nommers en letters is sekerlik Adrian se gunsteling speelgoed. Hy pak gedurig nommers uit en versamel 6se of 9es. ‘n Dag of wat later sal dit weer al die G’s of A’s wees wat versamel en uitgepak word. Hy is ook baie lief daarvoor om letters en nommers uit te ken terwyl ‘n storie vir hom gelees word.

Elke aand wanneer ek by die huis kom na werk vra Adrian “het jy my ipad gebring”? Wat hy eintlik vra is of hy sy ‘Ninja Run’ op die tablet kan speel. Kona reguleer die tyd baie streng en maak seker da thy net sy 10-15 minute speelkans kry. Dit is mos baie beter om eerder bloke te bou of trampoline te spring of my buite in die tuin te help.

Studio fotos

Na die groot opwinding van die 'photo shoot' het ons met groot afwagting vir die fotos gewag. Die dag toe ons die fotos vir die eerste keer sien het ons geweet dat dit baie moeilik gaan wees om fotos te kies wat op canvas gedruk moet word. Ons sal maar 'n paar keer moet weer kyk om al die fotos af te skaal na ons gunsteling fotos. dan die vraag - "een groot canvas met a collage" of 'n paar indivuduele canvases? Ten minste het ons nou 'n paar ordentlike gesins fotos wat vir die oumas gegee kan word.

Adrian was die week by die huis aangesien Bambini vir die week gesluit is. Dit het dinge nog al om vêr gegooi in die Enslin-huishouding! Helen, wat twee huise van ons af bly, was gelukkig beskikbaar om in te staan as 'n "au-pair" vir drie dae. Donderdag moes pa maar afvat van die werk en Vrydag was dit Dabea se beurt. Helen het onder andere vir Adrean laat soet koekkies bak, Pa het weer op sy beurt vir Adrian gevat om roomys te eet, 'n Danie Driehoek uit te kies by Toys-R-Us en Ma het hom laat verf op groot velle pappier. Hy het selfs Vrydag, terwyl Pa en Ma met hom gaan stap het, 'n lekker modder poel ontdek waarin hy heerlik getrap het mwt sy bootsies. Maar gou het die bootsies in die modder vas gesuig en beland Adrian met sy kouse in die modder. Groot pret vir hom!

Adrian, die stêrrekundige!

Winter Foto's en shapes

Tyd is die grootste geskenk wat ‘n mens kan kry. Voor jy jou oë uitvee is ure, dae, maande en jare verby. Dit het ons opnuut besef toe ons na ons geraamde fotos kyk en besef dat ons het geen onlangse fotos van Adrian nie. Ouma Joyce vra ook al lankal vir mooi familie foto's. Michele was toe gaaf genoeg om ons te nooi vir ‘n ‘photo shoot’ in haar studio. Wat ‘n erfaring! Die aanloop na die groot dag was net so opwindend. Kona het besluit da tons almal die dag oranje, wit en groen moet dra. Winkels toe, klere en kleure word gepas en uiteindelik is ons uitgerus vir die dag.

Gereed vir die 'photo shoot'

By die studio organiseer Michele ons en die kamera begin te click. Die stêr van die dag was natuurlik Adrian. In so ‘n mate dat Michele die meeste van die tyd hom op sy eie afneem. Daar was darem ook genoeg tyd vir familie fotos. Maar ek moet dit uitlig dat Adrian ‘n ‘natural’ is voor die kamera. Hy het in sy wit hempie en denim tussen gkleurde balle gespeel, binne ‘n sinkbad gelê, ‘n waentjie met balle gtrek, teen die muur soos ‘n wafferse top model teen die muur gestaan, ens. Dit was ‘n oggend van lag en plesier! Ons sien uit om die fotos te kry.

Adrian is mal oor ‘shapes’. Van vierkante to driehoeke. Hy het vir elke vorm selfs ‘n naam gegee. Hier volg die lys –

• ·Fanie vierkant
• ·      Sarel sirkel
• ·      Danie driehoek
• ·      Ollie oval
• ·      Hansie hart
• ·      Susan seshoek
• ·      Oktogan agthoek
• ·      Karl kruis
• ·      Reghardt rehoek

Fanie vierkant

Danie driehoek

Pa moes ook natuurlik al die vorms uitsny en gesiggies op teken. Die mondjies moes altyd tande kry, 2,  3, 4 of 5. Adrian het selfs die vorms met sy arms uitgebeeld. Vorms word orals raak gesien, of dit in die plaveisel is of in ‘n struik, hy sien dit orals raak. Sy gunsteling vorm is vierkant, want Sponge Bob is ‘n vierkant. Klei word ook heeltyd in vorms gedruk en moet selfs saam bed toe gaan. Hopelik gaan dit sy Wiskunde eendag baie help.

Winter het behoorlik op ons neergesak. Adrian het gou geleer van seisoene. Met die koue winter val al die blare van die bome af. Hy was tranerig die dag toe mamma verduidelik dat die blare dood gaan en afval. Hy het glad nie saam gestem nie. Volgens hom val die blare net af want hulle word bruin, maar hulle is nie dood nie. Die hoogtepunt van winter is die hope blare wat op die grond bymekaar gehark word. daar is so baie blare dat dit vir hom 'n 'berg' word. Die berg is groot genoeg vir hom om baie plesier is te he. Alhoewel dit betekn dat hy 'n behoorlike bad na die tyd moet kry.

Adrian wys hy is drie jaar oud tussen die winter blare

Waar is Sponge Bob?

“Ek is nog ‘n bietjie besig, hoor” Dit is deesdae wat Adrian gereeld sê wanneer hy geroep word om iets te kom doen. Hy is ‘n besige mannetjie. Hy hou himself besig met sy ‘shapes’, karre, klei en kasteel en balle. Hy sal maklik by die tuinhek uit dwaal om ‘bossies’ te speel. Ek het bossies in die oprit uit getrek en die word deur Adrian versamel. Groot was die pret toe die bossies aan die brand gesteek was.

Adrian en sy "Sponge Bobs"

Maar eers terug na April. Adrian was by Bob. Bob is sy gunsteling karraktertjie van ‘Sponge Bob square pants’. Bob bly in die see. Die opgewondenheid het hoog geloop al die pad af na Winkelspruit. Op pad af het ek vir hom sy dvd spelertjie gemonteer teen die sitplek voor hom. Hy kon dvd's van Tannie Carike en telletubies kyk. Hy het selfs die ‘Liewe heksie stories’ baie geniet Adrian gaan uiteindelik vir Bob ontmoet. Daar aangekom en ons moes dadelik strand toe. Adrian het vergeet hoe groot die see is want hy kon glad nie vir Bob sien nie. Ons het wel baie skulpe opgetel en Adrian het  sandkastele gebou met ‘n klom stokke wat soos vlagmaste by die kasteel uitsteek. Elke dag was groot pret, hy het sand duine uitgehardloop, by sand walle af gegly, in die gety poel en die strand swembad geswem. Die hoogtepunt op die strand moes wees die krap in die gety poel. ‘Mr Crabs’ (van Sponge Bob) was wel ‘n bietjie kwaai maar het wel baie pret besorg. 

Adrian spring by die sandwalle af

Op die derde dag is ons Durban toe om uiteindelik vir Sponge Bob te sien. Die akwarium by U'Shaka. Al die kleurvolle vissies, jelly vise en haaie was te wonderlik om te sien en Adrian het van die een glasvenster na die volgende gehardloop. By die tenk waar die seekatte in was het Adrian skoon gegil van opgewondenheid – Mr Squidward (ook van Sponge Bob). Die seekat het stadig oor die rotse beweeg en van kleur verander en selfs teen die vester reg voor Adrian verby geskuif. Dit was wonderlik vir Adrian, ten spyt van die feit dat Squidward eintlik a squid is. In die aande het die skulpe baie pret besorg, veral in die bad. In die aande moes ma en pa hulle rolle verander. Ma was “Liewe Heksie” en Pa “Blommie Kabouter”. Ma moes selfs die woonstel rond vlieg op haar besemstok met Koning agter op. Koning Rosebaard was natturlik koning. Adrian moes gedurig reghelp as koning Rosebaard aangespreek was “nee, koning Rosekraans!". Ai mamma.

By Durban U'Shaka Marine World

Die pad terug het vir Ma en Pa egter baie “lank” geword. Net toe ons uit Winkelspruit ry wou Adrian nie dvd’s kyk nie maar wel Liewe Heksie luister. Die cd is 45 minute lank met 5 verskillend stories. Adrian het dit so geniet, in so ‘n mate da tons die cd nooit mag afgesit het nie, tot in Pretoria 5 ure later!

Adrian en Mamma in die Koning Rosekrans se kasteel

Adrian en pappa soek krappe

Terug in Pretoria het Adrian vir weke gevra om weer see toe te gaan. Ons sal beslis gou weer gaan en hopelik dan vir Sponge Bob sien.

Tyd om huis toe te gaan

Adrian hou partyjie saam met die Teletubbies

Weke voor die groot 3 jarige partytjie het Pa begin Teletubbies prentjies van die internet bymekaar maak. Prentjies is gemanupileer om in te pas by ‘n 3 jarige partytjie. Elke Teletubby (Tinky Winki, Dibsie, Lala en Pow) moes uitgeknip word. Teletubby sonne is uitgesny en ‘n Teletubby groep foto is in die middle van die son geplak. Teletubby vlaggies en mobiles is gemaak en partytjie boksies is vir elke kind versier en vol geprop met lekkers, chippies en selfs ‘bubble’ blasers.

3 jaar oud vandag!

Op die dag van die partytjie (Saterdag 12 April) is Adrian vroeg na Ouma Martha toe om vir Ma en Pa tyd te gee om voor te berei vir die partytjie. Tafels is versier, vlaggies en mobiles is gehang, springkasteel op geblaas en balonne met helium gevul. Vir die groot mense het Kona heerlike sout en soet eetgoed uit gepak. Die Teletubby koek met al die Teletubby cupcakes is op die tafel geplaas. Pa het die braai reg gekry om later wors en rushers te braai. Ons was gereed vir die groot dag.

Die Teltubbies verjaarsdag koek

Dit is eet tyd!

Net voor 13h00 daag Ouma Joyce, Ouoa Phillip en Tianu op. Hulle was selfs voor ons verjaarsdag maaitjie hier. ‘n Ruk later is dit Ouma Martha, Oupa Kobus en Adrian wat opdaag. Adrian se mond het letterlik oopgehang van verbasing toe hy by die tuin instap en begroet word met al die Teletubby versierings en springkasteel. Kort daarna het die maaitjies begin arriver. Kort voor lank was die stilte verbreek deur die gelag en gille van klein stemmetjies soos hulle sports maak op die springkasteel.  Die kersies is aangesteek en al die kindertjies het angstig om die partytjie tafel vergader, gereed om weg te val in al die eetgoed. ‘Veelsgeluk liewe maatjie’ is gesing, kersies geblaas, en toe begin die fees. Met die reuk van braaivleis is warm broodjies en rusher tee et aangebied vir al die groot mense.

Saam met maaitjies op die springkasteel

Laat die middag het die partytjie tot ‘n einde gekom. Adrian het trots heeltyd vertel hy is nou groot en drie jaar oud.