Studio fotos

Na die groot opwinding van die 'photo shoot' het ons met groot afwagting vir die fotos gewag. Die dag toe ons die fotos vir die eerste keer sien het ons geweet dat dit baie moeilik gaan wees om fotos te kies wat op canvas gedruk moet word. Ons sal maar 'n paar keer moet weer kyk om al die fotos af te skaal na ons gunsteling fotos. dan die vraag - "een groot canvas met a collage" of 'n paar indivuduele canvases? Ten minste het ons nou 'n paar ordentlike gesins fotos wat vir die oumas gegee kan word.

Adrian was die week by die huis aangesien Bambini vir die week gesluit is. Dit het dinge nog al om vêr gegooi in die Enslin-huishouding! Helen, wat twee huise van ons af bly, was gelukkig beskikbaar om in te staan as 'n "au-pair" vir drie dae. Donderdag moes pa maar afvat van die werk en Vrydag was dit Dabea se beurt. Helen het onder andere vir Adrean laat soet koekkies bak, Pa het weer op sy beurt vir Adrian gevat om roomys te eet, 'n Danie Driehoek uit te kies by Toys-R-Us en Ma het hom laat verf op groot velle pappier. Hy het selfs Vrydag, terwyl Pa en Ma met hom gaan stap het, 'n lekker modder poel ontdek waarin hy heerlik getrap het mwt sy bootsies. Maar gou het die bootsies in die modder vas gesuig en beland Adrian met sy kouse in die modder. Groot pret vir hom!

Adrian, die stêrrekundige!

Winter Foto's en shapes

Tyd is die grootste geskenk wat ‘n mens kan kry. Voor jy jou oë uitvee is ure, dae, maande en jare verby. Dit het ons opnuut besef toe ons na ons geraamde fotos kyk en besef dat ons het geen onlangse fotos van Adrian nie. Ouma Joyce vra ook al lankal vir mooi familie foto's. Michele was toe gaaf genoeg om ons te nooi vir ‘n ‘photo shoot’ in haar studio. Wat ‘n erfaring! Die aanloop na die groot dag was net so opwindend. Kona het besluit da tons almal die dag oranje, wit en groen moet dra. Winkels toe, klere en kleure word gepas en uiteindelik is ons uitgerus vir die dag.

Gereed vir die 'photo shoot'

By die studio organiseer Michele ons en die kamera begin te click. Die stêr van die dag was natuurlik Adrian. In so ‘n mate dat Michele die meeste van die tyd hom op sy eie afneem. Daar was darem ook genoeg tyd vir familie fotos. Maar ek moet dit uitlig dat Adrian ‘n ‘natural’ is voor die kamera. Hy het in sy wit hempie en denim tussen gkleurde balle gespeel, binne ‘n sinkbad gelê, ‘n waentjie met balle gtrek, teen die muur soos ‘n wafferse top model teen die muur gestaan, ens. Dit was ‘n oggend van lag en plesier! Ons sien uit om die fotos te kry.

Adrian is mal oor ‘shapes’. Van vierkante to driehoeke. Hy het vir elke vorm selfs ‘n naam gegee. Hier volg die lys –

• ·Fanie vierkant
• ·      Sarel sirkel
• ·      Danie driehoek
• ·      Ollie oval
• ·      Hansie hart
• ·      Susan seshoek
• ·      Oktogan agthoek
• ·      Karl kruis
• ·      Reghardt rehoek

Fanie vierkant

Danie driehoek

Pa moes ook natuurlik al die vorms uitsny en gesiggies op teken. Die mondjies moes altyd tande kry, 2,  3, 4 of 5. Adrian het selfs die vorms met sy arms uitgebeeld. Vorms word orals raak gesien, of dit in die plaveisel is of in ‘n struik, hy sien dit orals raak. Sy gunsteling vorm is vierkant, want Sponge Bob is ‘n vierkant. Klei word ook heeltyd in vorms gedruk en moet selfs saam bed toe gaan. Hopelik gaan dit sy Wiskunde eendag baie help.

Winter het behoorlik op ons neergesak. Adrian het gou geleer van seisoene. Met die koue winter val al die blare van die bome af. Hy was tranerig die dag toe mamma verduidelik dat die blare dood gaan en afval. Hy het glad nie saam gestem nie. Volgens hom val die blare net af want hulle word bruin, maar hulle is nie dood nie. Die hoogtepunt van winter is die hope blare wat op die grond bymekaar gehark word. daar is so baie blare dat dit vir hom 'n 'berg' word. Die berg is groot genoeg vir hom om baie plesier is te he. Alhoewel dit betekn dat hy 'n behoorlike bad na die tyd moet kry.

Adrian wys hy is drie jaar oud tussen die winter blare

Waar is Sponge Bob?

“Ek is nog ‘n bietjie besig, hoor” Dit is deesdae wat Adrian gereeld sê wanneer hy geroep word om iets te kom doen. Hy is ‘n besige mannetjie. Hy hou himself besig met sy ‘shapes’, karre, klei en kasteel en balle. Hy sal maklik by die tuinhek uit dwaal om ‘bossies’ te speel. Ek het bossies in die oprit uit getrek en die word deur Adrian versamel. Groot was die pret toe die bossies aan die brand gesteek was.

Adrian en sy "Sponge Bobs"

Maar eers terug na April. Adrian was by Bob. Bob is sy gunsteling karraktertjie van ‘Sponge Bob square pants’. Bob bly in die see. Die opgewondenheid het hoog geloop al die pad af na Winkelspruit. Op pad af het ek vir hom sy dvd spelertjie gemonteer teen die sitplek voor hom. Hy kon dvd's van Tannie Carike en telletubies kyk. Hy het selfs die ‘Liewe heksie stories’ baie geniet Adrian gaan uiteindelik vir Bob ontmoet. Daar aangekom en ons moes dadelik strand toe. Adrian het vergeet hoe groot die see is want hy kon glad nie vir Bob sien nie. Ons het wel baie skulpe opgetel en Adrian het  sandkastele gebou met ‘n klom stokke wat soos vlagmaste by die kasteel uitsteek. Elke dag was groot pret, hy het sand duine uitgehardloop, by sand walle af gegly, in die gety poel en die strand swembad geswem. Die hoogtepunt op die strand moes wees die krap in die gety poel. ‘Mr Crabs’ (van Sponge Bob) was wel ‘n bietjie kwaai maar het wel baie pret besorg. 

Adrian spring by die sandwalle af

Op die derde dag is ons Durban toe om uiteindelik vir Sponge Bob te sien. Die akwarium by U'Shaka. Al die kleurvolle vissies, jelly vise en haaie was te wonderlik om te sien en Adrian het van die een glasvenster na die volgende gehardloop. By die tenk waar die seekatte in was het Adrian skoon gegil van opgewondenheid – Mr Squidward (ook van Sponge Bob). Die seekat het stadig oor die rotse beweeg en van kleur verander en selfs teen die vester reg voor Adrian verby geskuif. Dit was wonderlik vir Adrian, ten spyt van die feit dat Squidward eintlik a squid is. In die aande het die skulpe baie pret besorg, veral in die bad. In die aande moes ma en pa hulle rolle verander. Ma was “Liewe Heksie” en Pa “Blommie Kabouter”. Ma moes selfs die woonstel rond vlieg op haar besemstok met Koning agter op. Koning Rosebaard was natturlik koning. Adrian moes gedurig reghelp as koning Rosebaard aangespreek was “nee, koning Rosekraans!". Ai mamma.

By Durban U'Shaka Marine World

Die pad terug het vir Ma en Pa egter baie “lank” geword. Net toe ons uit Winkelspruit ry wou Adrian nie dvd’s kyk nie maar wel Liewe Heksie luister. Die cd is 45 minute lank met 5 verskillend stories. Adrian het dit so geniet, in so ‘n mate da tons die cd nooit mag afgesit het nie, tot in Pretoria 5 ure later!

Adrian en Mamma in die Koning Rosekrans se kasteel

Adrian en pappa soek krappe

Terug in Pretoria het Adrian vir weke gevra om weer see toe te gaan. Ons sal beslis gou weer gaan en hopelik dan vir Sponge Bob sien.

Tyd om huis toe te gaan

Adrian hou partyjie saam met die Teletubbies

Weke voor die groot 3 jarige partytjie het Pa begin Teletubbies prentjies van die internet bymekaar maak. Prentjies is gemanupileer om in te pas by ‘n 3 jarige partytjie. Elke Teletubby (Tinky Winki, Dibsie, Lala en Pow) moes uitgeknip word. Teletubby sonne is uitgesny en ‘n Teletubby groep foto is in die middle van die son geplak. Teletubby vlaggies en mobiles is gemaak en partytjie boksies is vir elke kind versier en vol geprop met lekkers, chippies en selfs ‘bubble’ blasers.

3 jaar oud vandag!

Op die dag van die partytjie (Saterdag 12 April) is Adrian vroeg na Ouma Martha toe om vir Ma en Pa tyd te gee om voor te berei vir die partytjie. Tafels is versier, vlaggies en mobiles is gehang, springkasteel op geblaas en balonne met helium gevul. Vir die groot mense het Kona heerlike sout en soet eetgoed uit gepak. Die Teletubby koek met al die Teletubby cupcakes is op die tafel geplaas. Pa het die braai reg gekry om later wors en rushers te braai. Ons was gereed vir die groot dag.

Die Teltubbies verjaarsdag koek

Dit is eet tyd!

Net voor 13h00 daag Ouma Joyce, Ouoa Phillip en Tianu op. Hulle was selfs voor ons verjaarsdag maaitjie hier. ‘n Ruk later is dit Ouma Martha, Oupa Kobus en Adrian wat opdaag. Adrian se mond het letterlik oopgehang van verbasing toe hy by die tuin instap en begroet word met al die Teletubby versierings en springkasteel. Kort daarna het die maaitjies begin arriver. Kort voor lank was die stilte verbreek deur die gelag en gille van klein stemmetjies soos hulle sports maak op die springkasteel.  Die kersies is aangesteek en al die kindertjies het angstig om die partytjie tafel vergader, gereed om weg te val in al die eetgoed. ‘Veelsgeluk liewe maatjie’ is gesing, kersies geblaas, en toe begin die fees. Met die reuk van braaivleis is warm broodjies en rusher tee et aangebied vir al die groot mense.

Saam met maaitjies op die springkasteel

Laat die middag het die partytjie tot ‘n einde gekom. Adrian het trots heeltyd vertel hy is nou groot en drie jaar oud.

Dalk 'n Stêrrekundige in wording?

Dalk gaan Adrian eendag ‘n sterrekundige wees, of dalk ‘n wiskundige, of dalk ‘n kunstenaar wat vorms en sterre skilder! Die seuntjie het ‘n oog vir vorms en sterre. Gister by Pam en Wolf loop ek en Adrian buite rond. Skielig gee hy ‘n gil  en skreeu “kyk, kyk,kyk” en hy wys na ‘n groot struik. Opgewonde roep hy uit “ Sponge! Kyk Pappa, dit is ‘n square”. Die struik is in ‘n vierkant vorm gesnoei. Net daar na wys hy ‘n ‘Fanie vyfhoek’ uit.

By die huis sal hy op die plaveisel loop en gedurug skielik stop en opgewonde ‘n vorm uitroep wat hy op die grond gewaar. Pa moet ook gedurig vorms uitsny, en dit moet verskillende kleure wees.Selfs die klei moet in vorms gedruk word. Speelgoed word in ‘vorms’ gesien.  Hy het vir elke vorm ‘n naam gegee – Danie driehoek, Sarel sirkel, Sponge vierkant (square), Fanie vyfhoek, Susan seshoek, Ollie octagon en Reghard reghoek.

Adrian met sy klei vorms

Elke aand wil Adrian na die sterre kyk. Pa moet op die grond lê met Adrian op sy rug bo-op my lyf. So bestudeer ons die sterre ruim. Met ‘n handjie wat heeltyd na die sterre wys vra hy “wat is sy naam?”.  Teen die tyd ken hy reeds Canopus, Polux, Jupiter (maar sal gou sê dat Jupiter is die helderste stêr, hy het net een oog), Saternus (met sy "ring") Rigel, Cirius en sy gunsteling Beetljuice asook ‘n ‘n komeet (“’n klip wat vlieg”). Hy geniet dit om vir mense uit te wys dat “Beetlejuice is die grootste son in ons sterrestelsel en hy is oranje”. Hy vra gedurig date k op my rekenaar twinkle little star moet wys. Teen sy slaapkamer kas deur skitter dit elke aand met hordes ‘glow in the dark” sterre. Elkeen het ook sy eie naam. Selfs een ster is ‘n “verskietende stêr” of soos hy soms ook sê ‘n “shooting star”.

Adrian en sy sterre

Buiten vorms en stêrre is Spunge Bod Square Pants Adrian se gunstelling karaktertjie. Hoekom so? Want Sponge Bob is ‘n vierkant natuurlik. Wanneer hy “Nickelodeon” (kanaal 305 op DSTV) kyk sal hy luidkeels uitroep as Sponge Bob begin, veral as die ‘Sponge Bob Bollywood’ advertensie begin. Adrian is baie opgewonde dat ons hierdie April vakansie see toe gaan want ons gaan vir Sponge Bob kuier. Die Sponge Bob sof toy moet beslis saam gaan. Ons sal maar na die U’Shaka Akwarium toe moet gaan om vir Sponge Bob te besoek. Hy bly mos “onder die see”.

Kersfees met die Teletubies

Die tweede  kersfees agter die rug. Adrian begin nou ook verstaan waaroor kersfees gaan en dat die dag geassosieer word met geskenkies. Ou kersaand was by Cobus. Adrian en Juanè het die geskenkie uitdeel baie geniet en kon nie wag om dit oop te skeur nie. Gewoonlik is dit die kleinste geskenkies die wat die meeste indruk maak en so was dit ook die geval die aand. Uit een van die kersfees 'crackers' het ‘n klein mannetjie te voorskyn gekom. Die het baie taai handjies en voetjies gehad. As die manetjie teen ‘n venster gegooi word, plak die mannetjie vas teen die oppervlak. Stadig begin die handjies loskom en begin teen die venster af te klim. Dit het groot plesier vir Adrian besorg.

Adrian en Juane maak kersgeskenkies oop.

Kersdag het begin met ‘n kersdiens in die kerk. Adrian het stroop soet op Ouma Martha se skoot gesit en geluister na die kers verhaal met nou en dan musiek solo items. Terug by die huis was hy baie opgewonde om vir Ouma Joyce en Oupa Phillip te sien. Weereens is geskenke uit gedeel. Die keer kry hy weer baie geskenkies onder andere ‘n elektrise klavier en twee tente wat verbind is met ‘n tonnel.

Adrian het altyd ‘n behoefte om fisiese aktiwiteite te doen. Om die rede moet ons hom maar gedurig na Toni’s Restaurant vat waar daar ‘n wonderlike klimraam is wat hy kan uitklim na hartelus. Tussen kersfees en nuwe jaar was Toni’s gesluit maar die klimraam wasgelukkig  nog tot ons bereik en het ure se genot aan Adrian verskaf.

'n Heerlike klimraam by Toni's

Adrian is ook nou weer versot op Teletubies en Pa moet gedurig hierdie mannetjies uit gekleurde papier sny. Net die volgende dag nadat klein handjies dit vuil gevat het sal Adrian na my toe kom en sê dat die tubies is ‘pap’ en ‘Pappa, maak nuwe tubbies’. Ek kan die vormpies al met toe oë uitknip. Veral Tinki Winki en Lalla is die twee gunsteling Tubies.

Kona en ek het die tweede foto boek van Adrian gemaak. Dit was heerlik om weer terug te kyk na al die foto’s van Adrian sedert April 2012 tot nou en weer herhinneringe op te roep van ons vakansie in die Kaap, eerste kamp en Adrian se twee partytjies. 

Die jaar kom tot 'n einde!

Die tyd vlieg so vining verby en voor ons weet blits nog ‘n jaar verby. Adrian het sy eerste jaar by Bambini voltooi en ‘n jaar in die St Albans huis. Dit was ‘n jaar vol hoogte punte en baie min laagte punte! Adrian het verander vanaf ‘n baba na ‘n regte seuntjie. Ma en Pa kyk baie met verwondering na die ongelooflike ontwikkeling. Hy raak al hoe meer selfstandig en wil dinge self doen. Of dit nou ‘tannies borsel’ of hempie aantrek, geen uitdaging is te groot vir Adrian nie.

Gedurende die jaar was hy gelukkig om glad nie siek te word in die winter nie, behalwe vir ‘n loop neusie hier en daar. Maar ai tog, ‘n mens kan nie vir altyd so gelukkig wees nie. Hy het in die laaste termyn van die jaar gereeld by die dokter ‘n draai gemaak met larangietis, onsteekte ore en hoë koors. Darem nooit te ernstig nie, maar wel siek genoeg vir aaklige antibiotika.

Ons het ons eerste gesins kamp erfaring gehad. In November het ons vir ‘n naweek by Dube Game Lodge buite Brits gaan kamp. Dit was heerlik om in ons nuwe tent te slaap en vir Ouma Joyce en Oupa Phillip om met Adrian te speel. Die warm binnenshuise swembad was definitief vir Adrian die hoogte punt. Hy was mal oor die warm water en het vir Pappa ‘n paar ekstra gryshare besorg wanneer hy al om die swembad hardloop, stop en dan inspring, want ek is mos daar om hom te vang. Die aande om die vuur was ook vir Adrian iets nuuts en dit was al te heerlik om veral op Ouma Joyce se skoot te sit en vir die vuur vonke te kyk wat in die donker nag die lug in styg.

Ons eerste familie kamp by Dube

Adrian se verbeelding wêreld word al hoe wyer. In die bed moet Pappa gereeld huisies maak waar hy kan inkryp, Mamma moet gedurig stories maak met beertjie of Pa moet storie maak met spinnekoppie (my vingers wat op die mat hardloop). Ma moet ook elke week peppers koop want Adrian wil elke dag “peppers speel”. Dit beteken dat die verlepte peppers gereeld vervang moet word om vars skywe vir hom te kan sny. Die pepper skywe is dan blomme, en die word die hele huis vol gedra en uitgestal. Teletubbies word ook gereeld gesoek. Dit is nou wel pypsteel skoonmakers. As Adrian vra vir Tienkiewinkie dan moet ons bond staan om die regte pypsteel skoonmaker te soek, dit moet pers wees want die regte Tienkiewinkie is mos pers. Hy sien ook gedurig interesant denkbeeldige karakters en word dan baie opgewonde en sal luidkeels vir ons roep om die boot of iensie winsie spider te kom kyk.

Adrian in een van sy vele huisies wat Pa moes maak

Pappa kry darem ook goeie oefening want Adrian het geen vrees vir hoogte of afstand nie. Hy sal op enige voorwerp klim en vir my aansê “gaan weg”, wat beteken dat ek te naby staan en hy wil spring sodat ek hom moet vang. Dit kan vir ‘n goeie halfuur aanhou todat Pa nie meer kan nie.

Adrian op 'n reuse paddastoel

Ek en Adrian loop ook baie op St Albans College se kampus en soek' insi winsies' of paddastoele. Wanneer hy padastoele gewaar sal hy hard roep 'kom kyk pappas, padastoele' en moet ek my vinnig daarheen haas. Hy sal dan plat op die grond sit en hulle bestudeer. Met Teanu se verjaarsdag partytjie by die Johannesburg Dieretuin kom ons af op reuse paddastoele en paddas. Adrian was verstom en het op elke paddastoel en padda geklim.